Düşüb qaranlıqda itən izimə,
Harda axtarım mən, indi özümü?
Bu pərən həyatım gəlmir ki, nəzmə,
Harda axtarım mən, indi özümü?
₼₼₼
Sevmək qədərimdir, başımı qatıb,
Şükürlər, dualar dilimdə yatıb,
Bilmirəm, yar məni, haraya atıb,
Harda axtarım mən, indi özümü ?
₼₼₼
Nolar üz vurma sən, sorma hardayam,
Yerimi bilmirəm, bəlkə dardayam,
Bəlkə taleyimlə qalma,- qaldayam,
Harda axtarım mən, indi özümü ?
Şəfəq Şərqiyyə Lətifli